Monday, July 25, 2011

செய்தாலி கவிதைகள்

<><><>  கோபம்
எனக்கு எதிரானவன்
என்னுள் மறைந்த்திருக்கிரன்
அவ்வபோது வெளிப்படுவான்
புயலினைப்போல்
புன்னகை தருணங்களில்
அகன்று நிற்பான்
அன்னியனாய்
நாணம்
முலைப்பால் பருவத்தில்
 என் லீலைகளை
உறவினர்களின் நகைப்பில்
ஒளிரும் தருணம்
என்னை ஒழித்துகொள்கிறேன்
அம்மாவின் முந்தானைக்குள்
தேடல்
கிராமத்து வீதிகளில்
 கண்ணாம்பூச்சி விளையாட்டில்
ஒளிந்திருந்த தெருக்கோடிகளில்
ஒரு முறை தேடிப்பார்க்கிறேன்
காலத்தில் துலைந்த்துபோன
பால்ய நாட்களை
காற்று
ஆடையின்றி குளிக்கையில்
அத்துமீறி நுழைகிறான்
அனுமதியின்றி தொடுகிறான்
 என் அங்கங்களை
வறுமை
முன்னறிவிப்பின்றி
விருந்தினர்களின் வருகை
வறண்டு சுருண்ட முகத்தில்
 இரவல் புன்னகையுமாய்
வாசப்புரத்து வரவேற்கையில்
அடுப்பின் மேல்சுவட்டில்
 உறங்கியிருந்த பூனை
சட்டிகளை உருட்டியபடி
வெளியேறியது
அனுமதி
தென்றல் என்னசொல்லியதோ
சரியென்று தலையசைத்தது
மரக்கிளைகள்
-செய்தாலி 

நன்றி திண்ணை

5 comments:

அம்பாளடியாள் said...

அருமையான கவிதைவரிகளைக்கண்டு மனம் கொள்ளை
போனதிங்கே.வாழ்த்துக்கள் சகோதரரே
மென்மேலும் சிறப்பான கவிதைகளை உருவாக்க....

அம்பாளடியாள் said...

அருமையான கவிதை வரிகள் வாழ்த்துக்கள் சகோதரரே
மென்மேலும் சிறப்புற...............

அன்புடன் மலிக்கா said...

கவிதை வரிகள் அனைத்தும் அருமை அதிலும் கடைசி மிக அருமை..வாழ்த்துக்கள் சகோ..

Seeni said...

nalla varikal!

கோவை மு.சரளா said...

வார்த்தைகளில் புதைத்து வைத்திருகிறீர்கள்
வாழ்வின் ரகசிய பக்கங்களை .................ஆனாலும் இவை அனைத்தும்
திறந்தவெளி நூலகம் தான் எல்லோரும் வாசித்து மட்டும் செல்கிறோம் ........

அருமையாக வெளிபடுதியிருகிரீர்கள் .