Monday, April 2, 2012

ஆத்மா



கருவறை
சந்திப்பிலிருந்து
இன்றுவரையிலான
கடந்து வந்த
பருவங்களிலும்
நேர் கொண்ட
தருணங்களிலும்
என்னுடன் பயணித்து
உடல் முதுமையால்
களைப்பார
மண் குடில்
சென்று விட்டாய்
உன்பிரிவால்
அடைக்கலம் இன்றி
தனிமையாக்கப்பட்டு
வானுலகம் செல்லுமுன்
உன் இறுதிசடங்கின்
ஒப்பரிக்கிடையில்
சொல்ல மறந்த
நன்றியினை
உன் உறவுகளின்
கண்ணீரில்
பதிவு செய்கிறேன்

நன்றி வார்ப்பு (கணினி வார இதழ் )

Monday, February 13, 2012

முதல் ரயில் பயணம்



தூங்கி எழுந்த 
ஒரு இரவிற்கு பின் 
கண்களில் காட்சிகள் 
மாறியிருந்தது 
சுற்றி பேசுபவர்களின் 
பாஷை செவியடைத்தது 
மரமும் செடிகளும் 
பின்னோக்கி ஓடியது 
ஒரு பேரிரைச்சல் 
இடைவெளியிட்டு 
பயமுறுத்தியது 
சிலர் என்னோக்கி 
செய்கையால் அழைத்தார்கள் 
விசித்திர முகங்கள் 
இருப்பிட அசைவுகள் 
அம்மாவின் மடியிலிருந்தும்
வெம்பி வெம்பி ...
அழுகை வந்தது 

நன்றி :வார்ப்பு (கணினி வார இதழ் )

http://www.vaarppu.com/view/2191/

Monday, July 25, 2011

செய்தாலி கவிதைகள்

<><><>  கோபம்
எனக்கு எதிரானவன்
என்னுள் மறைந்த்திருக்கிரன்
அவ்வபோது வெளிப்படுவான்
புயலினைப்போல்
புன்னகை தருணங்களில்
அகன்று நிற்பான்
அன்னியனாய்
நாணம்
முலைப்பால் பருவத்தில்
 என் லீலைகளை
உறவினர்களின் நகைப்பில்
ஒளிரும் தருணம்
என்னை ஒழித்துகொள்கிறேன்
அம்மாவின் முந்தானைக்குள்
தேடல்
கிராமத்து வீதிகளில்
 கண்ணாம்பூச்சி விளையாட்டில்
ஒளிந்திருந்த தெருக்கோடிகளில்
ஒரு முறை தேடிப்பார்க்கிறேன்
காலத்தில் துலைந்த்துபோன
பால்ய நாட்களை
காற்று
ஆடையின்றி குளிக்கையில்
அத்துமீறி நுழைகிறான்
அனுமதியின்றி தொடுகிறான்
 என் அங்கங்களை
வறுமை
முன்னறிவிப்பின்றி
விருந்தினர்களின் வருகை
வறண்டு சுருண்ட முகத்தில்
 இரவல் புன்னகையுமாய்
வாசப்புரத்து வரவேற்கையில்
அடுப்பின் மேல்சுவட்டில்
 உறங்கியிருந்த பூனை
சட்டிகளை உருட்டியபடி
வெளியேறியது
அனுமதி
தென்றல் என்னசொல்லியதோ
சரியென்று தலையசைத்தது
மரக்கிளைகள்
-செய்தாலி 

நன்றி திண்ணை

Saturday, April 30, 2011

பேசும்மொழி



தம்  மௌனங்களை உடைத்து
தன் வரிகள் சுமக்கும்
உணர்வையும் உணர்ச்சியையும் 
ஊருக்குச்சொல்ல இதழ் திறக்கிறது
 பேசும்மொழி